Այցելութիւն Տարրալուծարան
Ը. դասարանի աշակերտները Ուրբաթ օր այցելեցին St. Marc տարրալուծարանը: Անոնց կ’ընկերակցէր գիտութեան դասատուն: Աշակերտները առիթը ունեցան մօտէն տեսնելու տարրալուծարանի տարբեր գործիքները եւ բաժանումները:
Նախակրթարանի Տարեկան Պտոյտ
Ուրբաթ, 16 Մայիսին, նախակրթարանի աշակերտները սովորականէն աւելի ուրախ դպրոց եկան, որովհետեւ պտոյտի պիտի երթային: Իրենց դաստիարակներուն եւ դասատու ուսուցիչներուն հետ՝ աշակերտները բարձրացան հանրաշարժերը եւ ուղղուեցան Ֆաքրա: Հոն անոնք խաղացին, կերան, խմեցին ու շատ հաճելի ժամանակ անցընելէ ու բաւական յոգնելէ ետք՝ վերադարձան դպրոց:
Թ. Դասարանի տարեկան Պտոյտ
Թ. դասարանի այս տարեշրջանի դպրոցական վերջին օրը Ուրբաթ՝ 9 Մայիսին էր: Աշակերտները դպրոց եկան առանց գիրքի ու պայուսակի եւ իրենց դաստիարակին ընկերակցութեամբ ուղղուեցան Ժպէյլ: Հոն այցելեցին նաւահանգիստն ու ճեմեցին պատմական քաղաքին հին փողոցներուն ու շուկաներուն մէջ: Անոնցմէ մաս մը այցելեց մոմի թանգարանը, մինչ ուրիշներ նախընտրեցին հեծանիւով հետազօտել շրջանը: Ապա, անոնք ճաշեցին ու հաճելի պահեր անցընելէ […]
Մայրերու Օր 2014
կազմակերպեց Մայրերու նուիրուած ձեռնարկ մը: Գեղարուեստական յայտագրէն առաջ շահեկան դասախօսութիւն մը ներկայացուց սննդագէտ Մօնիք Պասիլա Զաարուր, որ խօսեցաւ յատկապէս մանուկներու առողջ սննդականոնին մասին: Ապա ձեռնարկը ճոխացուցին աշակերտները՝ իրենց երգերով եւ պարերով:
Ը. Դասարան Հայերէնի Աշխատանք
Եղեռնի ոգեկոչման ձեռնարկներուն եւ աշխատանքներուն ծիրէն ներս՝ Ը. դասարանի աշակերտները հայերէնի դասապահերուն ընթացքին ներկայացուցին յատուկ աշխատանքներ։ Անոնցմէ իւրաքանչիւրը պէտք էր ներկայացնէր Ցեղասպանութեան զոհուած գրագէտ մը, կամ վրիժառու արարքի մը հեղինակը եւ կամ յետ Եղեռնի սփիւռքահայ առաջին սերունդէն գրագէտ մը։ Աշակերտները բծախնդրութեամբ աշխատած ու տեղեկութիւններ հաւաքած էին։ Անոնք երեք պահերու ընթացքին, իրենց աշխատանքները ներկայացուցին իրենց դասընկերներուն։
Մանկապարտէզի աշակերտները կ՛ոգեկոչեն Ցեղասպանութիւնը
Փոքրիկները ծաղիկ կը զետեղեն Ապրիլ 24-ի նահատակաց մատրան առջեւ:
Քայլարշաւ Ցեղասպանութեան 99ամեակի առիթով
Ցեղասպանութեան 99ամեակի առիթով վարժարանի աշակերտները մասնակցեցան Անթիլիասի Նահատակաց Մատռան դիմաց կազմակերպուած ձեռնարկին եւ հոգեհանգստեան արարողութեան: Է. դասարանէն վեր՝ բոլոր աշակերտները քայլարշաւով մը հասան Անթիլիասի մայրավանք, ուր հերկայ եղան հոգեհանգստեան արարողութեան եւ ծաղկեպսակ զետեղեցին վարժարանին անունով:
Զատիկ
Զատկուան արձակուրդին նախօրեակին վարժարանի աշակերտները այլազան ձեւերով տօնեցին Զատիկը։ Առաջին հերթին բոլոր աշակերտները Ս. հաղորդութիւն առին վարժարանէն ներս ու նախաճաշելէ ետք՝ տարբեր ծրագիրներ իրականացուցին։ Ա.-Զ. դասարանները շարժապատկերի սրահ այցելեցին ու հաճելի ժապաւէն մը դիտեցին։ Է. կարգը այցելեց Ծովային Հրաշալիքներու թանգարանը։ Ը.ի աշակերտները դպրոցէն ներս մնալով խաղեր խաղացին։ Իսկ Թ. դասարանը Le Mall այցելեց եւ ճաշեց։ […]
Արտասանական Մրցում Ը. Դասարան
Երեքշաբթի, 15 Ապրիլին, Ը. դասարանի աշակերտները մասնակցեցան արտասանական մրցումի մը։ Հայերէնի ուսուցչուհիին նախաձեռնութեամբ՝ Ը.1 եւ Ը.2 դասարանները կազմակերպեցին արտասանական մրցում մը, որուն մասնակցեցան երկու դասարաններէն 9 աշակերտներ.- Ռիթա Քերթէնեան, Քարէն Այվազեան, Ռիթա Չոպանեան, Նարէ Մոմճեան, Դուին Էքշեան, Լոռի Միթիլեան, Կարէն Գազանճեան, Պարոյր Գույումճեան եւ Յարութ Մարկոսեան։ Իւրաքանչիւր աշակերտ նախ ասմունքեց պարտադիր կտորը՝ Պարոյր Սեւակի «Երեւան […]
Մարդասիրական Օրինակելի Արարք
Զ. դասարանի աշակերտները՝ կրօնի դասապահերուն ընթացքին սորված սկզբունքները գործնականի վերածեցին Չորեքշաբթի օր, երբ իրենց ուսուցչուհիներուն ընկերակցութեամբ, այցելեցին Գարակէօզեան հաստատութիւնը։ Շաբաթներու ընթացքին, աշակերտները իրենց ունեցած առօրեայ գումարներէն մէկդի դրած՝ յաջողեցան ապահովել կոկիկ գումարներ եւ Զատկուան առիթով հագուելիք գնեցին Գարակէօզեանի իրենց ընկերներուն։ Հաստատութեան մէջ անոնք ծանօթացան Գարակէօզեանի առաքելութեան եւ աշխատանքին, խաղացին, հանդիպեցան փոքրիկներուն եւ իրենց նուէրները յանձնեզէ […]