Շաբաթ, 14 Փետրուարին, Վէլընթայնզի եւ Բարեկենդանի զոյգ առիթներով, քոլէճի սրահին մէջ կայացաւ Տիկնանց Յանձնախումբի կազմակերպած Ճաշկերոյթ- Պարահանդէսը, ներկայութեամբ աւելի քան երկու հարիւր բարեկամներու: Երեկոն ճոխացուց Վիգէն Տիշչէքէնեանը, իր սիրային երգերով:
Տօնական մթնոլորտով, Յիսուսի կեանքին ու Յարութեան մասին վաւերագրական ֆիլմի ցուցադրութեամբ, աւանդական «քէխքէ»ի պատրաստութեամբ եւ հաւկթախաղով քոլէճը նշեց Ս. Զատկուան տօնը:
Քոլէճի բաժանմունքներէն իւրաքանչիւրը իր ձեւով նշեց Բարեկենդանի տօնը, իսկ տիկնանց միութիւնը այս տարի եւս կատարեց Բարեկենդանի ձեռնարկը, որու ընթացքին ծպտուած մանուկներ խաղացին, համեղ ուտեստներ ճաշակեցին ու զուարճացան:
