Հայ Գիրքի Ցուցահանդէսի Այցելութիւն
Ինչպէս ամէն տարի, այս տարի եւս վարժարանի աշակերտները առիթը ունեցան այցելելու Հայ Գիրքի տարեկան ցուցահանդէսը, որ տեղի ունեցաւ Անթիլիասի Մայրավանքի շրջափակէն ներս։
Նախակրթարանի բոլոր կարգերու աշակերտները՝ իրենց ուսուցչուհիներուն ընկերակցութեամբ, այցելեցին ցուցահանդէսը եւ առիթը ունեցան ծանօթանալու նոր ու հին հրատարակութիւններու։ Անոնք կատարեցին նաեւ իրենց տարիքին ու դասարանին յարմար գնումներ։