Մարզական Օր
Վարժարանի Աշակերտական խորհուրդի Վարչութիւնը Մարզական Օր կազմակերպեց Ուրբաթ, 11 Մայիսին։
Աշակերտութիւնը բաժնուած էր երկու մեծ խումբերու՝ Կարմիր եւ Կապոյտ։ Վարչութիւնը կազմակերպած էր տասնեակ մը խաղեր, որոնք խանդավառ մթնոլորտ մը ստեղծեցին եւ մրցակցութիւնը հրահրեցին։ Տեղի ունեցաւ նաեւ պասքէթի մրցում մը ուսուցիչներուն եւ աշակերտներուն միջեւ։
Օրուան ընթացքին, վարժարանի Տիկնանց Յանձնախումբը պատրաստեց համեղ սէնտուիչներ եւ աղցան։