Կրօնական Դասախօսութիւն
Վարժարանի երկրորդականի աշակերտները շահեկան դասախօսութիւն մը ունեցան Երեքշաբթի, 3 Դեկտեմբերին։ Դասախօսը՝ Տէր Մկրտիչ քահանայ Քէշիշեան, աշակերտներուն ներկայացուց քրիստոնէական եկեղեցիէն շեղած աղանդներուն մասին։ Ան խօսեցաւ այդ աղանդներուն ունեցած ժխտական ազդեցութիւններուն մասին, ինչպէս նաեո շեշտեց քրիստոնէական ամուր հաւատք եւ համոզում ունենալու կարեւորութիւնը։