Կաղանդի տօնական մթնոլորտ քոլէճէն ներս.

Մանկապարտէզի աշակերտները եւ իրենց ծնողները  ուրախ պահեր անցուցին կաղաղանդա պապուկին հետ: Անոնք երգեցին, պարեցին ու Ծնունդի թատրոնը ներկայացուցին իրենց ծնողներուն:

Քոլէճի ամբողջ աշակերտութիւնը Ս. Հաղորդութիւն ստացաւ, որմէ ետք դասարանները իրենց դաստիարակներուն հետ, իւրաքանչիւրը  իր ձեւով դիմաւորեց կաղանդը:

Երկրորդ դասարանը իր դաստիարակ՝ Տիկ. Լենա Արապօղլեանի կազմակերպութեամբ  ծնողները հրաւիրեց իրպատրաստած Ծնունդի Թատրոնին, եւ  փոքրիկները իրենց ատենամարզանքի պահերուն ընթացքին սորված տողերով ներկայացուցին Յիսուս Մանուկի Ծնունդը:

Նախակրթարանի աշակերտները ծանօթացան հայկական ամանորի աւանդութիաններուն, ինռպէս նաեւ Պուրճ Համուտի քաղաքապետութեան հրաւէրով ներկայ գտնուեցաւ կրկէսի ներկայացումի մը:

իսկ միջնակարգը կազմակերպեց հայկական ամանորի տօնախմբութիւնը: