Մանկապարտէզի Կաղանդ
    Չորեքշաբթի Դեկտեմբեր 28, 2011ին, Ազգ. Սիրան Մանուկեան Մանկապարտէզի Կաղանդի տօնակատարութիւնը տեղի ունեցաւ «Ս. Մանուկեան» սրահին մէջ՝ ներկայութեամբ մայրերուն։
Մանկամսուրի եւ մանկապարտէզի փոքրիկները օրուան յայտագիրը ճոխացուցին իրենց երգերով եւ նուագով։
Վերջապէս Կաղանդ Պապան ժամանեց նուէրներով։ Փոքրիկները Կաղանդ Պապուկին արտասանեցին իրենց սորված արտասանութիւնները եւ անոր հետ պարելէ ետք, իրենց մայրերուն հետ անցան իրենց դասարանները։ Կաղանդ Պապուկը մէկիկ-մէկիկ դասարանները այցելեց եւ նուէրները բաժնեց փոքրիկներուն` անոնց սրտերուն մէջ ուրախութիւն սփռելով։